Акан 24-мӗшӗнче Пӗтӗм чӑваш диктанчӗ иртрӗ. Ӑна Чӑваш Енри Аннепе Атте ҫулталӑкне тата Чӑваш чӗлхи кунне халалланӑ. Акцин тӗп тӗллевӗ — чӑваш чӗлхин пӗлтерӗшне, сумӗпе хисепне ӳстересси. Кӑҫал текста паллӑ этнопедагог Геннадий Волковӑн «Ăслă ача» хайлавӗнчен илнӗ.

Эпир те,   «Çĕрпÿри 1№ пĕтĕмĕшле пĕлÿ паракан вăтам шкул» вӗренекенӗсемпе вӗрентекенӗсем, кунта ӗҫлекенсем «Пĕтĕм чăваш диктанчĕ» акцие хутшӑнтӑмӑр.  Пурĕ  50 çын хутшăнчĕ. Хамӑр чӑваш чӗлхине мӗнле пӗлнине тӗрӗслес терӗмӗр. Диктант тексчӗ пире питӗ килӗшрӗ. Халӗ чӑтӑмсӑррӑн ӗҫсене хакласса кӗтетпӗр.